Relasiona planu IV governu constitusional atu dada pipe line mai Timor Leste, Bispo diocese Baucau hateten katak, ukun nain sira tenke hare benefisiu dada pipe line ne’e ba povu ka lae. Bispo kasu lia hirak ne’e ba RCLM iha nia ofisiu Episcopal vila antiga, sexta feira, 19/09.
Bispo informa mos katak, teknikamente, wainhira atu dada pipe line mai Timor Leste ukun nain sira tenke planeia ona benefisu no investimentu sa mak husi planu ida ne’e fo’o povu Timor Leste iha futuro. Tuir informasaun nebe iha katak wainhira pipe line dada mai Timor bele fo’o campu de servisu ba sidaduan hotu, maibe quando mina rai la iha ona tenke sobu fila -fali pipe line ne’e, I la presiza ona ema barak atu servisu. tamba ne’e Governu tenke hanoin didiak kestaun hirak ne’e.
Don Basilio relata tan katak, instalasaun terminal mina rai presiza area ida ke luan no tetuk, area hirak ne’e mak rai nebe povu utiliza hodi halo to’os no natar, se terminal ne’e ocupa tiha fatin hirak nebe fo’o aihan, entaun povu sira atu kuda fali fini hahan hirak ne’e iha nebe. I area hirak ne’e mos Timor Leste presija ba agricultor se monta terminal ne’e iha rai nebe fatuk laran la iha problema, maibe se ocupa fali rai sira nebe bokur hanesan Viqueque, Betanu no Suai bele diminui rai nia bokur e ita la iha capasidade atu produs ba agricultura hodi han no hemu. problema seluk tan maka capasidade tekniku atu kontrola ba sasan hirak ne’e sei menus liu compara ho tekniku husi rai liur. Maibe se governu nia posisaun katak ho dada pipe line mai ita nia rain fasil atu kontrola ne’e hatudu katak Timor Leste bele ona independente ba nia riku soin rasik.
Bispo sublinha mos katak, governu tenke prepara recursu tekniku bar-barak atu responde ba problema hirak ne’e.
No comments:
Post a Comment